Cinsi qısnamada suçlanan “Red Bull”un rəhbəri Kristian Horner postunda qalacaq.

"Football-plus.az" xəbər verir ki, bu haqda “Autosport” məlumat yayıb. Adı çəkilən qaynaq “Red Bull”un bəyanatını yayıb: “Hornerin ünvanına irəli sürülən ittihamla bağlı müstəqil araşdırma başa çatıb. “Red Bull” şikayətin rədd olunduğunu təsdiqləyir. İddiaçının apellyasiya şikayəti etmək hüququ var”.

“Formula-1” komandalarından “Red Bull”un xanım əməkdaşının Horneri uyğunsuz davranışda və cinsi qısnamada ittiham etdiyini xəbər vermişdik. “Red Bull” bu məsələ ilə bağlı komandadaxili araşdırma aparırdı. 50 yaşlı mütəxəssis bu prosesin gedişində ona yönələn bütün ittihamları rədd edirdi. Horner 2005-ci ildən “Red Bull”a rəhbərlik edir.