“Red Bull” rəhbərliyi komandanın başçısı Kristian Hornerin ünvanına yönələn ittihamlarla bağlı məsələni tezliklə həll etmək istəyir.

"Football-plus.az" xəbər verir ki, “The Times” xəbər verir ki, artıq gələn həftənin əvvəlində qərar verilməsi gözlənilir. Niderland mediasında yeni təfərrüatlar yayılandan sonra “Red Bull” prosesi bir qədər də sürətləndirməyə çalışır.

Bu arada Beynəlxalq Avtomobil Federasiyası (FIA) da “Red Bull”un rəhbəri Hornerlə bağlı aparılan komandadaxili təhqiqata münasibət bildirib: “Red Bull”un hazırda apardığı müstəqil təhqiqat başa çata, nəticəsi bəlli olana qədər FIA heç bir əlavə şərh verməyəcək. FIA idmanda dürüstlük, ədalət və inklüzivliklə bağlı yüksək standartlara əməl etmək prinsipinə sadiqdi”.

Xatırladaq ki, Avstraliya komandasının xanım əməkdaşı Horneri uyğun olmayan davranışda suçlayır. “Red Bull” bununla bağlı daxili təhqiqata başlayıb. 50 yaşıı mütəxəssis isə bütün ittihamları qətiyyətlə rədd edir. Niderlandın “De Telegraaf” nəşri fevralın 16-da dəqiqləşdirib ki, Horner seksual qısnamada suçlanır. Horner 2005-ci uldən “Red Bull”a rəhbərlik edir.