“Finiks”in və “Klippers”in sabiq forvardı Markus Morris dələduzluq ittihamı ilə həbs olunub.

"Football-plus.az" xəbər verir ki, 35 yaşlı amerikalı Las-Veqasdakı kazinolardan 250 min dollardan artıq vəsait oğurlamaqda suçlanır.

Sabiq basketbolçu ötən ilin mayında saxta qəbzlərlə “MGM Grand Hotel and Casino”dan 115 min dollar alıb. Bir ay sonra isə analoji qaydada “Wynn Las Vegas” kazinosunda 150 min dollar ələ keçirib.
Morris bazar ertəsi Fort-Loderdeyl-Hollivud beynəlxalq hava limanında saxlanılıb. Məhkəmə vəkillərin basketbolçunu girov müqabilində azadlığa buraxmaqla bağlı vəsatətini rədd edib.

2024-cü ildən bəri basketbol oynamayan Morrisin sonuncu klubu “Klivlend” oub. O, karyerası boyunca 834 oyun keçirib, hər oyunda orta hesabla 12 xal toplayıb, 4,4 ribaund edib və 1,5 məhsuldar ötürmə verib

MBA-nın bir başqa oyunçusu – Gilbert Arenas da qanunsuz qumar biznesinin təşkilində şübhəli bilinərək saxlanılıb. Arenas 2021-ci ilin sentyabrından 2022-ci ilin iyuluna qədər öz malikanəsini yüksək mərcli qanunsuz poker oyunlarının keçirilməsi üçün icarəyə verib. Basketbolçu ilə birlikdə bir neçə İsrail vətəndaşı da saxlanılıb. Malikanədə silahlı mühafizə xidməti, başqa personal da çalışıb.

Ötənlərin məşhur basketbolçusu cinayətkar qruplaşmanın təşkilində, qeyri-qanuni qumar biznesi aparmaqda və yalan ifadə verməkdə suçlanır. İttihamlar sübut olunacağı təqdirdə onu 25 illik həbs cəzası gözləyir.

Arenasın 43 yaşı var. 2001-12-ci illər aralığında MBA-da "Qolden Steyt", "Vaşinqton", "Orlando" və "Memfis" komandalarında çıxış edib. Üç dəfə Ulduzların oyununda iştirak edib.