MBA komandalarından “San-Antonio”nun oyun qurucusu Devonte Qrem alkoqol sərxoşluğu halında avtomobil idarə etdiyinə görə şərti cəzaya məhkum olunub.

"Footballp-plus.az" xəbər verir ki, insident ötən ilin iyulunda baş verib. Basketbolçu Şimali Karoluna ştatının Roli şəhərində saxlanılıb. 28 yaşlı amerikalı günahını boynuna alıb və 21 günlük həbs cəzası alıb. Hökmün icrası təxirə salınıb, ardından cəza 12 aylıq sınaq dövrü ilə əvəz olunub. Qrem həmçinin 393 dollar cərimə ödəməlidi.

“Nyu-Orlean” Qremi ötən mövsüm “San-Antonio” ilə dəyiş-düyüş edib. Adı çəkilən basketbolçu “Spers”in heyətində MBA-da keçirdiyi 20 oyunda orta hesabla 13 xal toplayıb, 2,5 ribaund və 4,1 ötürmə ilə yadda qalıb.