Müntəzəm çempionatın altı oyunu

Milli Basketbol Assosiasiyası müntəzəm çempionatın 6 oyununun Avropada keçiriləcəyi ilə bağlı anons verib.

"Football-plus.az" xəbər verir ki, həmin oyunlar qarşıdakı üç il ərzində keçiriləcək.

Gələn il yanvarın 15-də Berlində keçiriləcək ilk oyunda “Orlando” ilə “Memfis” qarşılaşacaq. Elə həmin komandalar yanvarın 18-də Londonda da üz-üzə gələcək. 2027-ci ildə MBA oyunları Mançesterlə Parisdə, 2028-də isə Berlinlə Parisdə keçiriləcək. Hələ ki son 4 oyunun iştirakçıları müəyyənləşməyib.

Avropada sonuncu dəfə müntəzəm çempionatın oyunu bu ilin yanvarında keçirilib. Parisdə “San-Antonio” ilə “İndiana” qarşılaşıb.