2027-ci ildə Ulduzların oyunu Finiksdə keçirilə bilər.

"Football-plus.az" xəbər verir ki, bu haqda xəbəri “The Athletic”in insayderi Şəms Çaraniya yayıb. Onun iddiasına görə, MBA rəhbərliyi həmin oyunu “Finiks”in ev arenası olan “Footprint Center”də keçirmək variantını ciddi şəkildə nəzərdən keçirir. Builki Ulduzlar oyunu İndianada keçirilib. Gələn il oyunun təşkilatçısının San-Fransisko, növbəti il isə Los-Anceles olacağı gözlənilir.

Bu arada “Qolden Steyt” rəsmi saytında baş məşqçi Stiven Kerr ilə yeni müqavilə imzaladığını elan edib. 2014-cü ildən bu komandanın “sükanı arxasında” olan 58 yaşlı mütəxəssislə imzalanan uzunmüddətli müqavilənin təfərrüatı açıqlanmır. Bir müddət əvvəl “Uorriorz”un Kerr ilə ikiillik, dəyəri 35 milyon dollar olan müqavilə imzalayacağını xəbər vermişdik. Yeni anlaşma Kerri avtomatik MBA tarixinin ən yüksək ödənişli məşqçisinə çevirir.

Müntəzəm çempionatda dünən keçirilən oyunlardan birinin nəticəsi diqqəti cəlb etdi. Belə ki, evdə “Mayami”yə uduzan “Portlend” ardıcıl 9-cu məğlubiyyətlə barışdı və indi Qərb konfransının turnir cədvəlinin sonunda qərarlaşıb.

27 fevral
Nyu-York – Detroyt 113:111 (29:27, 33:31, 30:26, 21:27)
İndiana – Toronto 122:130 (28:30, 28:31, 31:29, 35:40)
Memfis – Bruklin 86:111 (18:30, 22:36, 26:23, 20:22)
Sakramento – Mayami 110:121 (33:32, 29:33, 19:36, 29:20)

28 fevral
Vaşinqton – Qolden Steyt 112:123 (25:23, 33:37, 17:38, 37:25)
Klivlend – Dallas 121:119 (23:24, 37:32, 23:26, 38:37)
Orlando – Bruklin 108:82 (33:25, 25:19, 30:15, 20:23)
Atlanta – Yuta 124:97 (26:18, 29:26, 34:25, 35:28)
Boston – Filadelfiya 76 117:99 (30:30, 23:21, 33:24, 31:24)
Minnesota – San-Antonio 114:105 (29:21, 29:22, 27:24, 29:38)
Nyu-York – Nyu-Orlean 92:115 (19:26, 28:22, 20:26, 25:41)
Oklahoma-Siti – Hyuston 112:95 (28:29, 32:21, 24:24, 28:21)
Portlend – Mayami 96:106 (28:15, 28:31, 20:34, 20:26)
Çikaqo – Detroyt 95:105 (29:22, 26:28, 22:29, 18:26)
Miluoki – Şarlott 123:85 (32:16, 26:10, 38:23, 27:36)