Milli Basketbol Assosiasiyası (MBA) rəsmi saytı vasitəsi ilə 2023/24 mövsümünün təqvimini açıqlayıb.

"Football-plus.az" xəbər verir ki, müntəzəm çempionat oktyabrın 24-də start götürəcək, aprelin 14-də başa çatacaq. Cəmi 1230 oyun olacaq, hər komanda 82 oyun keçirəcək.

Müntəzəm çempionatın ilk oyununda “Denver” “Leykers”i qəbul edəcək. Elə həmin gün “Qolden Steyt” də “Finiks”lə qarşılaşacaq.

Pley-in oyunları aprelin 16-19-u aralığında keçiriləcək, ertəsi pley-off mərhələsi start götürəcək. Finalın ilk oyununun iyunun 6-da keçirilməsi planlaşdırılır.
Basketbol icmalçısı Tomer Azarli “tvitter” hesabında MBA-da 2023/24 mövsümünün təqvimi ilə bağlı təhqiqatının nəticəsini açıqlayıb. Onun yazdığına görə, “Klippers” yeni mövsümdə yollarda başqa komandalardan daha çox vaxt keçirəcək. Los-Anceles komandası ümumilikdə 81545 kilometr qət etməlidi. Bu göstəricidə 2-ci yerdə 5800 kilometr az qət edəcək “Bruklin” qərarlaşıb. Ötən mövsümün çempionu “Denver” isə bu özünəməxsus reytinqdə sonuncu yeri tutur – cəmi 54276 kilometr.