Konfrans Liqasının 2-ci təsnifat mərhələsi çərçivəsində “Araz-Naxçıvan” “Omoniya”ya məğlub olub - 0:4.

“Football-plus.az” xəbər verir ki, ev sahiblərinin  baş məşqçisi Elmar Baxşıyev oyunsonrası mətbuat konfransında jurnalistlərin suallarını cavablayıb.

- Ağır oyun alındı. Düşünürdük ki, müqavimət göstərə bilərik. Rəqibin gücünü qəbul etmək lazımdı. Belə oyunlarda bu tip səhvlər cəzasız qalmır. Hər şeyə düzgün yanaşıb davam etmək lazımdı.

– Müdafiənin belə olmasının səbəbi nə idi?
– Ribeyro “Neftçi”nin futbolçusudu. O məsələ bizim üçün bitib. Komanda olaraq axsadıq.

– “Araz” “Omoniya”ya qarşı hücum futbolu oynadı. Belə olmasa, nəticə başqa ola bilərdi?
– Mən komandamı hücumda görmək istəyirəm. Hazırlığımız tam olaraq hücuma yönəlməmişdi. İki fazada hazırlaşmışdıq, alınmadı.

– Fasilədə oyunçulara nə dediz?
– Bəzi oyunlar var ki, nə etsən də alınmır. Komanda olaraq məğlub olmuşuq.

– Bolinin durumu necədi?
– Elə də ciddi zədə deyil.

– Santos fərdi oyun oynayırdı. Niyə?
– Müasir futbolda individual futbolçular da lazımdı. Onun belə bacarığı varsa, onu əlindən ala bilmərik. Patrikin, Santosun bu cür keyfiyyəti nəticəyə təsir etmədi.

– Avrokubokların “Araz-Naxçıvan” üçün bitdiyini demək olar? Azarkeşlər də sosial şəbəkədə təhdid edir.
– İşimizi sosial şəbəkədə qurmuruq. Hər kəs sərbəst fikrini bildirə bilər. Komanda olaraq sakitləşib, səfər oyununa hazırlaşmaq lazımdı.

MÜZƏFFƏR QULUZADƏ