''Benfika''nın və Türkiyə yığmasının ulduzu Kərəm Aktürkoğlunun adı gündəmdən düşmək bilmir.

"Fənərbaxça''ya keçməyə yaxın olduğu bildirilən 26 yaşlı vinger indi də zədələnib. Belə ki, Portuqaliyanın ''Rekord'' nəşrinin məlumatına görə Kərəmin dünən səhərki məşqdə ayağı burxulub və o, məşqi yarımçıq tərk etməli olub. Bu üzdən Kərəmin ''Nitsa'' ilə qarşılaşmanı buraxmaq ehtimalı yaranıb.

''Benfika'' Çempionlar Liqasının 3-cü təsnifat mərhələsində sabah Fransada ''Nitsa''nın qonağı olacaq. Xatırladaq ki, bu cütün qalibi pley-offda ''Feyenoord'' - ''Fənərbaxça'' cütünün qalibi ilə qarşılaşacaq. Hazırda Türkiyədə hər kəs onun ''Fənər''ə mümkün keçidini müzakirə edir. Çünki Aktürkoğlu daha öncə ''Qalatasaray''da top qovub və dəfələrlə bu kluba sevgisindən danışıb.

Hələ ki, ''Benfika''nın futbolçusu olan Kərəm transferi baş tutacağı təqdirdə pley-offda məhz ''Benfika''nın rəqibi ola bilər.