Ötən həftələrin gündəm mövzularından biri də Erkin İbrahimovun “Kəpəz”dəki taleyi idi. Belə ki, onun gah klubdan ayrıldığı deyildi, gah da qaldığı.

“Football-plus.az” da dəfələrlə bu mövzuya toxunub. Klub Erkin bəyi idman direktoru kimi publikaya təqdim etsə də, o heç vaxt ştatda olmayıb, maaş almayıb. Hadisələrin axarı İbrahimovun klubla əlaqələrini kəsməsi ilə nəticələnib. Hazırda heç qeyri-rəsmi də işləmir. Nə “Qəbələ” ilə yoxlama oyununda var idi, nə də komandanın məşqlərini izləyir.

Klub rəhbərliyinin isə ona ehtiyacı var. Hələ də Erkin İbrahimovu klubda işləmək üçün çağırırlar. Klubda təkcə idman direktoru vəzifəsi ətrafında yox, ümumi qeyri-müəyyənlik hökm sürür. Amma ən kəskin problem həllini tapıb - sponsor var! Gəncə üçün də əsas bu deyilmi?!

MÜZƏFFƏR QULUZADƏ