"Bacardığım qədər çalışıram ki, heç bir oyun buraxmayım. Hər bir böyük futbol yarışı məşqçilər, futbolçular, hakimlər, azarkeşlər üçün yeni idealar deməkdi. Bu baxımdan azarkeşlərin bəxti gətirib. Oyunlarda çoxlu qol izləyirik. Komandalar sanki xoşbəxtliyi rəqib qapısında axtarır. Bütün kollektivlər çalışırlar ki, birinci nömrə kimi oynayıb, rəngarəng hücumlar qursun. Hakimlik də ayrı mövzudu. Görürük ki, baş hakimlə VAR arasındakı dialoq mümkün qədər qısaldılıb. Ölkəmizdə hər xırda epizoda görə VAR-da azı 2-3 dəqiqə gedir. Amma AÇ-də yığma komandaların taleyi həll olunur, məsuliyyət böyük olsa da, 15-20 saniyə ərzində bütün məsələləri yoluna qoyurlar. Təbii ki, hakimlik qalmaqalları da olacaq. Bu da hər böyük turnirin yaraşığıdı. Komandaların hamısı debüt etməsə də, ümumilikdə oyunları bəyənirəm".