“İnanıram ki, birlikdə tapşırılan missiyanın öhdəsində gələcəyik. Birlikdə dedikdə şəhər futbol ictimaiyyətini, o cümlədən çoxminli azarkeş ordusunu, “Kəpəz”ın uğurları üçün tər tökmüş veteranları da nəzərdə tuturam. Kluba rəsmi təyinatımız “Kəpəz”in premyer-liqada qalması ilə eyni günə təsadüf etdi. Məlum səbəblərdən son illər “Kəpəz” yüksək liqada qalmaq uğrunda mübarizə aparırdı. Şadam ki, klubda çalışanların, məşqçilər korpusu və oyunçuların əməyi hesabına “Kəpəz” növbəti mövsümdə də ölkəmizin ikinci şəhərini premyer-liqada təmsil edəcək. Futbol komanda oyunudu. Yeni idarəçilik komandasında təmsil olunanların hamısı Gəncəyə bağlı, futbolu sevən insanlardı. Əsas məqsədimiz “Kəpəz”i tədricən əvvəlki mövqələrə qaytarmaqdı. Təbii ki, bu, zaman tələb edir. Ümid edirəm ki, “Kəpəz” ailəsi vahid məqsəd uğrunda birləşərək, bu missiyada bizə dəstək verəcək”.