“Ehtiram müəllimin fikirləri ilə tanışıq. O, həqiqətən də Tovuzda futbolun inkişafı, “Turan Tovuz”un iddialı kluba çevrilməsi üçün böyük işlər görür. Belə iş adamlarının futbola gəlişi bizi yalnız sevindirə bilər. Stadionun ot örtüyünün dəyişdirilməsi ilə bağlı fikirlərə gəlincə, 2021-ci ildə “Turan Tovuz” Futbol Akademiyasının açılış mərasimi keçirilib. Həmin Akademiyanın tikintisinə ümumilikdə 4,3 milyon manat xərclənib. FİFA və UEFA tərəfindən 3,5 milyon manat, AFFA tərəfindən isə 800 min manat ayrılıb. Vəsait Akademiyanın ərazisində inşa olunmuş inzibati binalara, eyni zamanda 4 futbol meydançasına sərf olunub.

Bundan başqa, ötən ilin yayında Tovuz şəhər stadionunun süni örtüyü yeni örtüklə əvəz olunub. Biz Ehtiram müəllimin məsələ ilə bağlı narahatlığını başa düşürük, lakin təəssüf ki, hazırda süni örtüyün təbii ot örtüyü ilə dəyişdirilməsi nəzərdə tutulmayıb”.