Renat Dadaşov komandasını dəyişsə də, Polşada qalıb. Millimizin hücumçusu “Motor”a transfer olunub.

Lyublin təmsilçisi ötən mövsümü debütant olmasına baxmayaraq, 7-ci yerdə bitirib. Hücum xətti normaldı, amma müdafiədə ciddi problemlər var. Ötən mövsüm hücum xəttinin lideri olan Samuel Mraz “Servett”ə keçib. Əvəzində Belçikanın 2-ci liqa təmsilçisi “Kortreyk”dən Karol Zubak və bizim Renat Dadaşov gətirilib. 25 yaşlı Zubak təxminən hər iki oyuna bir qol vurur. Qol duyumu yüksək olan futbolçudu. Bu da Renatla Zubak arasında heyətdə yer almaq uğrunda gərgin mübarizə gedəcəyinə işarədi.

“Motor” Polşa elitasında yeni olsa da, yaxşı büdcəyə malik, iddialı görünən klubdu. Daha çox gənclərə güvənən klubun “transfermarkt”da dəyəri 13 milyon avrodan artıqdı. Xatırladaq ki, Renat Lyublin təmsilçisi ilə “1+1” illik müqavilə imzalayıb.

MÜZƏFFƏR QULUZADƏ