Kriştiano Ronaldo karyerasında növbəti uğuruna nail olub.

"Football-plus.az" xəbər verir ki, Portuqaliya millisinin və “Əl-Nəsr”in hücumçusu Səudiyyə Ərəbistanında 2024/25 mövsümünün ən yaxşı futbolçusu seçilib.

40 yaşlı forvard azarkeşlər tərəfindən mövsümün ən yaxşısı adına layiq görülüb. Ronaldo mövsüm ərzində 15 dəfə matçın ən yaxşı oyunçusu seçilib. O, Səudiyyə Ərəbistanı Pro Liqasında 30 oyun keçirib, 25 qol vurub və turnirin bombardiri olub.

Onun çempionatın 27-ci turunun “Ər-Riyad”la oyununda (2:1) cərimə zərbəsindən vurduğu qol 2024/25 mövsümünün ən baxıml qolu kimi tanınıb. Beləliklə, Ronaldo mövsümü üç fərdi mükafatla başa vurub.