Asiya Çempionlar Liqasında qrup mərhələsinin 5-ci turunun oyunları keçirilir. Kriştiano Ronaldonun şərəfini qoruduğu ''Əl-Nəsr'' Qətər təmsilçisi ''Əl-Qarafa''nın qonağı olub.

Səudiyyə Ərəbistanı çempionatının son turunda evdə uduzaraq fanatlarını məyus edən ''Əl-Nəsr'' bu dəfə 3:1 hesablı inamlı qələbə qazanıb. Dubl edən Ronaldo matçın qəhrəmanı olub. Portuqaliyalı superulduz karyerasında rəsmi matçlarda uyğun olaraq 912 və 913-cü qolunu vurub.

5 tura 13 xal toplayan ''Əl-Nəsr'' hazırda öz qrupunda ikinci pillədə qərarlaşıb. Bu mövsüm Ronaldonun aktivində 15 rəsmi oyunda 12 qol, 2 məhsuldar ötürmə var. Yeri gəlmişkən, 39 yaşlı futbolçu ilə bağlı bir göstərici diqqət çəkir. Kriştiano 30 yaşı tamam olduqdan sonra vurduğu qolların sayını 450-yə çatdırdı! Yəni onun karyerasını iki yerə bölsək, Ronaldo 463 qolu 30 yaşına qədər, 450 qolu isə 30 yaşdan sonra vurub.

ƏLİ