FİFA-nın Nizam-İntizam Komitəsi PSJ-nin iki futbolçusunu cəzalandırıb.

Söhbət müdafiəçilər Uilyam Paço ilə Lukas Ernandesdən gedir. Klublararası Dünya Çempionatının 1/4 finalının “Bavariya” ilə oyununda (2:0) qırmızı vərəqə alan futbolçular 2 oyunluq cəzalanıblar.

Bu isə o deməkdi ki, onlar PSJ-nin “Real”la keçirilən yarımfinal matçını və komanda finala çıxsa, həlledici oyunu da buraxacaqlar.

Klubun yaydığı açıqlamada hər iki oyunçunun iyulun 9-da komandanın düşərgəsini tərk etdiyi bildirilib.