"Zirə"nin Konfrans Liqasının 2-ci təsnifat mərhələsindəki rəqibi "Hayduk" heyətini gücləndirmək niyyətindədi.

Xorvatiya təmsilçisi bu məqsədlə Zaqreb "Lokomotiv"inin kapitanı Fran Karaçiçlə danışıqlara başlayıb. Bu barədə məlumatı italiyalı insayder Lorentso Lepore yayıb.

Onun iddiasına görə, "dəniz ustaları" 29 yaşlı sağ cinah müdafiəçisini rənglərinə bağlamaq üçün bütün qüvvəsini səfərbər edib.
Maraq üçün qeyd edək ki, Karaçiç karyerası ərzində İtaliyanın "Breşiya", Xorvatiyanın "Dinamo" (Zaqreb), "Rudeş" və "Lukko" klublarının da formasını geyib. "Transfermarkt"da futbolçunun dəyəri 750 min avrodu. O, Avstraliya yığmasının üzvüdü. Futbolçunun klubuyla müqaviləsinin müddəti 2030-cu ilin yayına qədərdi. Bu o deməkdi ki, Split təmsilçisi Karaçiç üçün xərcə düşməyə hazırdı.

KƏNAN BAHADIR