Sərxoş vəziyyətdə qəza etdi

İngiltərə yığmasının sabiq futbolçusu Pol İns sərxoş vəziyyətdə avtomobil idarə etdiyi üçün saxlanılıb. Onun avtomobili hasara çırpılıb.

"Football-plus.az" xəbər verir ki, 57 yaşlı veteran yarımmüdafiəçi iyulun 18-də məhkəmə qarşısına çıxacaq.

Xatırladaq ki, İns İngiltərə yığmasının heyətində AÇ-96-nın bürünc medalçısı olub.

O, "Mançester Yunayted"lə 2 dəfə Liqa və federasiya kubokunun, həmçinin UEFA Superkuboku və Kuboklar Kubokunun qalibi olub.