Çili yığmasının, “Barselona” və “Mançester Siti”nin sabiq qapıçısı Klaudio Bravo peşəkar karyerasını başa vurub.

“Football-plus.az” xəbər verir ki, bu barədə 41 yaşlı qolkiper özü açıqlama yayıb. O, futbolla vidalaşdığını bildirib. Bravonun sonuncu klubu 2020-ci ildən çıxış etdiyi “Betis” olub. O, komandadan bu yay ayrılıb. Klaudio Çili millisinin heyətində 150 oyun keçirib, 2 dəfə Amerika Kubokunun qalibi olub. O, Çili, İspaniya və İngiltərənin ikiqat çempionudu. Futbolçu həmçinin Çempionlar Liqasının, Klublararası Dünya Çempionatının, İngiltərə kubokunun və İspaniya Superkubokunun qalibi olub. Bravo üç dəfə İngiltərə Liqa kubokunu, 3 dəfə İspaniya kubokunu, həmçinin 2 dəfə İngiltərə superkubokunu qazanıb.