Türkiyənin iddialı klublarından olan ''İstanbul BŞ'' önəmli bir transferi tamamlamaq üzrədi. Başakşəhərlilər ''Roma''lı Eldor Şomurodovun keçidini bitirməyə yaxındılar.

Türkiyəli jurnalist Səlim Manavın məlumatına görə superliqa klubu həm özbəkistanlı forvardın özü, həm də ''Roma'' ilə anlaşma əldə edib. Transferin ən qısa müddətdə rəsmən açıqlanacağı gözlənilir. 30 yaşlı futbolçuya ''Renn'' və ''Kremoneze''də maraq göstərirdi. Amma o, Türkiyədə oynamağa üstünlük verib. Bu transfer Türkiyə klubuna 5 milyon avroya başa gəlib.

Qeyd edək ki, Şomurodov tarixində ilk dəfə dünya çempionatına vəsiqə qazanan Özbəkistan yığmasının kapitanıdı. 190 sm boya malik olan təcrübəli futbolçu daha öncə ''Bunyodkor'', ''Rostov'', ''Cenoa''a forma geyib və 2021-dən müqavilə ilə ''Roma''ya məxsusdu.

O icarə əsasında ''Spetsiya'' və ''Kalyari''də də forma geyib. Geridə qoyduğumuz mövsümdə 37 rəsmi oyunda aktivinə 7 qol, 5 məhsuldar ötürmə yazan Şomurodovun ''canavarlar''la birillik müqaviləsi qalmışdı.