İsveçrədə yeni meydançaya ''Qalatasaray''ın futbolçusunun adı verildi!
''Qalatasaray''ın üzvü Berkan Kutlu ilə bağlı maraqlı xəbər var.
İsveçrənin Monte şəhər bələdiyyəsinin qərarı ilə burda yeni istifadəyə veriləcək iki meydançaya MBA təmsilçisi ''Vaşinqton''da karyerasını davam etdirən Kişon Corc ilə ''Cim-Bom''un futbolçusu Berkan Kutlunun adları veriləcək. Her iki idmançı məhz bu şəhərdə doğulub.
Bu ərazidə fəaliyyət göstərən və gənclər arasında idmanı təbliğ edən ''Corc Basketboll Klubu''ndan verilən rəsmi açıqlamada bunlar qeyd olunub:
''Verni'' İdman mərkəzimizdə küçə basketbolu və küçə futbolunun populyarlığını artırmaq üçün iki yeni meydança istifadəyə veriləcək. Ora iki tanınmış idmançıların adları veriləcək. Açılışa həmin idmançılar özləri də dəvət olunacaq.
Yeniyetmələrimiz Corc və Kutludan imza ala, onlarla söhbət edə və yaxından tanış ola biləcəklər''.
Yeniyetmələrimiz Corc və Kutludan imza ala, onlarla söhbət edə və yaxından tanış ola biləcəklər''.
Qeyd edək ki, Berkan Kutlu 1998-ci ildə Monte şəhərində anadan olub. O, ''Syon''un yetirməsi olsa da, 2016-18-ci illərdə ''Monte''nin şərəfini qoruyub. Klub həmin vaxt İsveçrənin 5-ci divizionunda çıxış edirdi.
Türkiyəyə 2020-ci ildə ''Alanyaspor''a transfer olunmaqla gələn Berkan 2021-dən ''Qalatasaray''ın üzvüdü. Əsas heyət üzvü sayılmayan və bir qayda olaraq sonradan meydana çıxan futbolçu 2023/24-ün ikinci dövrəsini icarə əsasında ''Cenoa''da keçirmişdi.
Digər xəbərlər
