Ceyhun Sultanovla Elmar Baxşıyev arasında fikir ayrılığı var? – “Bu mənim prinsiplərimdəndi”
“Araz-Naxçıvan”da qeyri-rəsmi şəkildə işləyən Ceyhun Sultanovla komandanın baş məşqçisi Elmar Baxşıyevin arasındakı anlaşmazlıqlar haqda xəbərlər dolaşır. Xüsusən də transfer məsələsində tərəflərin fikirlərinin toqquşduğu deyilir. Patrik Andradeni də Baxşıyev istəməsə də, Sultanov gətirib.
“Football-plus.az” belə iddialarla bağlı Ceyhun bəyin fikrini öyrənib:
“Bunlar çox gülüncdü. İstəyirsiz, Elmarın özü ilə danışın. Olmayan söhbətləri yayıb ara qatan adamların məqsədi nədi, bilmirəm. Mən “Araz-Naxçıvan”da işləmirəm, kömək edirəm. Ora gələn futbolçular hamısı da Elmar Baxşıyevin istəyi ilədi. Mən işlədiyim heç bir klubda özümdən futbolçu gətirmərəm. Bu mənim prinsiplərimdəndi. Məşqçi istəməsə, futbolçu gələ bilməz”.
MÜZƏFFƏR QULUZADƏ
Digər xəbərlər
