Xabi Alonso rəhbərlikdən yeni transfer istəyib.

"Football-plus.az" xəbər verir ki, “Real”ın baş məşqçisi Klublararası Dünya Çempionatında mərkəz müdafiəçisi Raul Asensionun çıxışından narazı qalıb.

İspaniya mətbuatının məlumatına görə, madridlilərin çalışdırıcısı artıq klub rəhbərliyi ilə görüşüb. O, Asensionun əvəzinə yeni futbolçu transfer edilməsini istəyib.

“Real” hazırda bu planda 3 variantı nəzərdən keçirir: İbrahima Konate (Liverpul), Pyero İnkapye (Bayer-04) və Kristian Romero (Tottenhem) bu yay Madridə yollana bilər.

Qeyd edək ki, Asensio ötən ilin yayından “Real”ın əsas komandasında oynayır. Onun müqaviləsinin müddəti 2026-cı ilin yayına qədərdi.