“Real” rəhbərliyi bir neçə aydan sonra heyəti daha da gücləndirməyi planlaşdırır.

İspaniya klubunun yay “transfer pəncərəsi” üçün hədəfləri məlum olub. “AS” qəzetinin məlumatına görə, rəhbərlik müdafiə xəttini gücləndirmək üçün üç, hücum xəttinə isə bir yeni futbolçu almağı hədəfləyir. Paytaxt klubu “Liverpul”un sağ cinah müdafiəçisi Trent Aleksander-Arnold, “Bavariya”nın sol cinah müdafiəçisi Alfonso Deyvis və “Bayer-04”ün mərkəz müdafiəçisi Conatan Tanı sıralarına qatmaq istəyir.

Qeyd edək ki, “Real” bu oyunçuları pulsuz transfer edə bilər, çünki onların klubları ilə müqavilələrinin müddəti 2025-ci ilin yayına qədərdi.

Bilindiyi kimi, “Real” “Bayer-04”ün hücumameyilli yarımmüdafiəçi Florian Virtsi də hədəfə alıb. Onun müqaviləsi isə 2027-ci ilin yayında qüvvədən düşəcək.