Raul Asensionun yayda “Real”ı tərk etmək şansı var. Amma klubu onu heç yana buraxmaq istəmir.

"Football-plus.az" xəbər verir ki, Avropanın bir neçə klubu “Real”ın 22 yaşlı mərkəz müdafiəçisini hədəfə alıb. “Relevo”nun məlumatına görə, PSJ yanvarda ispan futbolçunu almağa cəhd edib. Lakin “Real” rəhbərliyinin Asensionu satmaq fikrində olmadığı vurğulanır. Futbolçu da paytaxt klubundan ayrılmaq istəmir.

Qeyd edək ki, 22 yaşlı müdafiəçinin müqaviləsində 50 milyon avroluq satın alma maddəsi var. Asensio cari mövsümdə bütün turnirlərdə 34 oyun keçirib və 2 məhsuldar ötürmə edib. Futbolçunun müqaviləsinin müddəti 2026-cı ilin yayına qədər nəzərdə tutulub.