Albaniyanın "Partizani" klubu ilə razılığa gələn azərbaycanlı futbolçu Vüsal İsgəndərlinin sənədlərində problem yaranıb.

"Football-plus.az" xəbər verir ki, bu barədə 29 yaşlı hücumçu özü məlumat verib.

O, hazırda yeni komandasının pasport və digər məsələlərlə məşğul olduğunu bildirib. Problem həllini tapdıqdan sonra millinin sabiq üzvü "Partizani" ilə birillik müqavilə bağlayacaq.

Xatırladaq ki, Vüsal ötən mövsüm Türkiyə "Boluspor"unun heyətində çıxış edib. O, daha əvvəl Albaniyada "Eqnatiya"nın şərəfini qoruyub.