“Milan” rəhbərliyi heyəti gücləndirmək məqsədilə bəzi futbolçuları satmağı planlaşdırır.

“Calciomercato”nun məlumatına görə, komandadan ayrılmağa ən yaxın olan Rafael Leaodu. 26 yaşlı vinger rəsmi şəkildə klubu tərk etmək istədiyini bildirməsə də, “Arsenal”, “Çelsi”, “Bavariya” və Səudiyyə Ərəbistanının bir neçə klubunun ona maraq göstərdiyini bilir. “Milan” rəhbərliyi tərəflərə açıq şəkildə çatdırıb ki, Leao təxminən 80-90 milyon avrodan aşağı məbləğə satılmayacaq.

Rafael başa çatan mövsümdə “Milan”ın heyətində 50 oyuna çıxaraq 12 qol və 13 məhsuldar ötürmə edib. Onun klubla müqaviləsi 2028-ci ilin yayına qədər qüvvədədi.