“İmişli” ilə bağlı məsələləri mətbuatdan izləyirəm” – niyə?
Elitaya vəqisə qazanan “İmişli” nin idarə heyətinin sədri Aqşin Mürsəlov açıqlamalarında əcnəbi və yerli baş məşqçilər ilə danışıq apardıqlarını, Fərid Namazovla da danışacağını deyib.
Bu da o deməkdi ki, komandanı premyer-liqaya çıxardan Fərid Namazov, çox güman, “İmişli”dən ayrılacaq. Gənc məşqçi hazırda Pro kateqoriya üzrə kurs keçir. Aslan Kərimovun rəhbərliyi altında Sloveniyada təlimdədi.
Kurs necə keçir? Baş məşqçi olmaqla bağlı təkliflər varmı, gələcəyi ilə bağlı planları nədi? “Football-plus.az” sualları Fərid Namazova ünvanlayıb:
“Kurs yaxşı gedir, maraqlıdı.Yenilikləri görürük, buna açıq olmaq lazımdı. Qitənin aparıcı U-21 milliləri burda çıxış edir. Maraqlı tendensiyalara rastlaşırıq. “İmişli” ilə bağlı məsələləri mətbuatdan izləyirəm. Qayıdandan sonra iclas olacaq, ona uyğun da qərar veriləcək. Ümid edirəm ki, nə xeyirlidisə, o da olar. Təkliflərim olub. Amma “İmişli” ilə görüşməmiş hansısa klubla danışıq aparmağım düzgün olmaz”.
MÜZƏFFƏR QULUZADƏ
Digər xəbərlər
