“Bu xəbərləri ancaq mətbuatdan izləyirəm. Komanda ilə iyunun əvvəlinə qədər müqaviləm var. Yəqin ki, bu barədə oturub rəhbərliklə söhbət edəcəyik. Başqa heç nə deyə bilmərəm. Komandanın premyer-liqaya yüksəlməsi tək mənim yox, rəhbərliyin, digər məşqçilərin, futbolçuların və azarkeşlərin də əməyinin məhsuludu. Davam edib premyer-liqa təcrübəsi yaşamaq istərdik. Yenə də son qərar rəhbərliyindi. Mənim müqaviləmin müddəti bitir. Uyğun olsa, qalacam, olmasa da, yollarımız ayrılacaq. Amma həqiqətən də, hələ ki ciddi məsələ yoxdu ortada. Portuqaliyalı məşqçini jurnalistlər görüb, ona görə elə yazırlar, onları da başa düşürəm. Bacardığım qədər soyuqqanlı olmağa çalışıram, peşəkarlığı qoruyuram. Hazırda müqaviləmin müddəti davam edir. Aqşin Mürsəlovun nə dediyini heç tam bilmirəm. Bu barədə söhbətimiz də olmayıb. Axırıncı dəfə İmişlidə görüşmüşük. Bu işin özəyində var ki, məşqçi gəlir, məşqçi gedir. Mənim yerimə kim olsaydı, premyer-liqada işləmək istəyərdi. Əziyyət varsa, komandanı elitaya çıxarmışıqsa, bəlkə də işləməyə şans olar”.