Son iki mundialdan kənar qalmaqla fanatlarına böyük üzüntü yaşadan İtaliyanın bu dəfə ilk turdan məsələyə ciddi yanaşacağını gözləmək olardı. Amma italiyalılar əksinə, seçmə mərhələyə şok məğlubiyyətlə start verdi.

"Football-plus.az" xəbər verir ki, Osloda “skuadra adzurra” aşkar favorit sayılmırdı. Amma komandanın darmadağın olacağını da az adam proqnozlaşdırardı. Əla nəsil yaxalayan və yüksəlişdə olan Norveç əsas ulduzları ilə İtaliyanı “kötəklədi”. Sörlot ilə Holanndan başqa “Leyptsiq”li Nusa da adını tabloya yazdırdı.

Bir neçə gün öncə Çempionlar Liqasının qalibi olan və finalda qapısını toxunulmaz saxlayan Donnarumma bu dəfə bir hissəyə 3 top buraxdı! Bundan əvvəlki seçmə mərhələni də nəzərə alsaq, İtaliya tarixində ilk dəfə DÇ-nin seçmə mərhələsində ardıcıl 3 oyunda qol vura bilmədi və ardıcıl 2 oyunda məğlub oldu! Bundan başqa, italiyalıların mundialın seçmə mərhələsindəki bir matçın ilk hissəsində 3 top buraxmasına daha əvvəl heç vaxt rast gəlinməmişdi. Digər qarşılaşmada İsrail Tallində əzmkar qələbə qazanaraq qrupda vəziyyətini yaxşılaşdırdı.

4-cü turda İtaliya Moldovanı qəbul etdi. Bu matçın Luçano Spallettinin yığmadakı son oyunu olacağı artıq dəqiq idi. Çünki təcrübəli mütəxəssis Oslodakı fiaskodan sonra federasiya rəhbəri ilə danışacağını bildirərək istefa verməyə hazır olduğuna işarə vurmuşdu. Bu oyunda da apenninlilər ideal oyun sərgiləmədilər və fanatlarını ilk yarının sonlarına qədər intizarda saxladılar. Amma sensasiya baş vermədi. Raspadori qələbənin əsasını qoydu.

“Napoli”nin forvardı yığmada debüt etdiyi 2021-in iyunundan bəri İtaliyanın heyətində ən çox (9) qol vuran futbolçudu. 2 cavabsız qolla qalib gələn İtaliya Spallettini qələbə ilə yola saldı və qrupda ilk xallarını qazandı. Amma Norveç fırtına kimi əsməkdə davam edir. Tallini Holannın qolu ilə fəth edən skandinaviyalılar qrupdakı 4-cü oyunda da xal itirmədilər! 24 yaşlı qoleador yığmada ardıcıl 6-cı oyunda da fərqləndi.

Ümumilikdə isə o, Norveçin heyətində keçirdiyi 43-cü oyunda 42-ci qolunu vurdu. Stole Solbakkenin komandası inamla turnir cədvəlinə başçılıq etsə də, vaxtından tez rahatlaşmamalıdı. Çünki Norveç hələ heç pley-offa vəsiqəni də təmin etməyib.

İ qrupu 
3-cü tur
Norveç – İtaliya 3:0 (3:0)
Norveç: Nyulann, Ryuyerson, Ayer, Heqqem (Estiqor, 71), Volfe (Pedersen, 75), Berqe, Torsbi (Berq, 46), Edeqor, Nusa (Bobb, 75), Sörlot (Larsen, 83), Holann.
İtaliya: Donnarumma, Zappakosta (Orsolini, 71), Di Lorentso, Koppola, Bastoni, Udoci (Dimarko, 83), Rovella (Frattezi, 46), Tonali, Barella, Raspadori (Riççi, 83), Reteqi (Lukka, 71).
Qollar: Sörlot, 14 (1:0). Nusa, 34 (2:0). Holann, 42 (3:0).
Vərəqələr: Torsbi, 38. Berq, 55 – sarı.
Hakim: Xose Sançes (İspaniya).
6 iyun. Oslo. 25796 tamaşaçı. 

Estoniya – İsrail 1:3 (1:1)
Estoniya: Heyn, Şyönninq-Larsen, Paskotski, Kuusk, Saliste (Yeppihin, 81), Şeyn, Soomets (Kristal, 55), Yakovlev (Saarma, 72), Kayt (Aynsalu, 81), Sinyavski, Tamm (Anier, 72).
İsrail: Daniel Perets, Dasa, Naçmias, Şlomo, Solomon (Abada, 90), E.Perets (Jaber, 67), Abu Fani (Levi, 90), Revivo, Qlux, Biton (Dor Perets, 72), Turqeman (Xalaili, 67).
Qollar: Kayt, 31 (1:0). Biton, 39 (1:1). Biton, 49 (1:2). Abu Fani, 89-p. (1:3).
Vərəqə: Heyn, 87 – sarı .
Hakim: Villi Delajo (Fransa). 
6 iyun. Tallin. 5697 tamaşaçı. 

4-cü tur
İtaliya – Moldova 2:0 (1:0)
İtaliya: Donnarumma, Kambyaso, Di Lorentso, Bastoni, Ranyeri (Koppola, 83), Dimarko (Orsolini, 46), Riççi (Barella, 46), Frattezi, Tonali, Raspadori (Maldini, 77), Reteqi (Lukka, 71).
Moldova: Avram, Platika, Babolyo, Mudrak, Dumbravanu, Ryabçuk, İonita (Dros, 72), Bodiştyanu (Motspan, 58), Kaymakov (Stina, 66), Postolaki (Perçun, 66), Nikolaesku (Damaşkan, 72).
Qollar: Raspadori, 40 (1:0). Kambyaso, 50 (2:0).
Vərəqələr: Nikolaesku, 81. Frattezi, 85 – sarı.
9 iyun. Recco nel`Emiliya. 18771 tamaşaçı. 

Estoniya – Norveç 0:1 (0:0)
Estoniya: Heyn, Şyönninq-Larsen, Paskotski, Kuusk, Saliste (Saarma, 84), Şeyn, Palumets (Poom, 90), Kristal (Anier, 84), Kayt (Miller, 46), Sinyavski, Sappinen (Tamm, 84).
Norveç: Nyulann, Ryuyerson, Ayer, Heqqem, Volfe (Estiqor, 90), Berqe, Torsbi (Bobb, 46), Edeqor, Nusa (Yonsen, 68), Sörlot (Larsen, 82), Holann.
Qol: Holann, 62.
Vərəqələr: Volfe, 49. Sappinen, 55 – sarı. 
Hakim: Srcan Yovanoviç (Serbiya). 
9 iyun. Tallin. 11577 tamaşaçı. 

1. Norveç 4 4 0 0 13-2 12
2. İsrail 3 2 0 1 7-6 6
3. İtaliya 2 1 0 1 2-3 3
4. Estoniya 4 1 0 3 5-8 3
5. Moldova 3 0 0 3 2-10 0

5 sentyabr: İtaliya – Estoniya, Moldova – İsrail.