Milli tariximizin ən məhsuldar futbolçuları hazırda "Qarabağ"ın baş məşqçisi postunda əyləşən Qurban Qurbanov və "Neftçi"nin futbolçusu Emin Mahmudovdu.

Məlum olduğu kimi, onlar hərəyə 14 qolla bombardirlər siyahısında liderliyi bölüşür. Bu o deməkdi ki, Emin daha bir qol vursa, yığmamız üçün yeni tarix yazacaq. Ancaq alınmır ki, alınmır. Sonuncu dəfə ötən ilin iyununda Qazaxıstana qarşı matçda fərqlənən oyunçu bundan sonra üçü Millətlər Liqası, biri yoldaşlıq oyunu olmaqla 4 matçda meydana çıxsa da, rəqiblərin qapısına yol tapa bilməyib.

İş ondadı ki, bunun üçün onun xeyli şansı olub. Xatırlayırsızsa, Emin hələ Millətlər Liqasının 4-cü turu çərçivəsində Slovakiyaya qarşı keçirilən matçda əla fürsət əldə etmişdi. Ancaq penaltini Ramil Şeydayevin yerinə yetirməsinə göz yumdu. Əlbəttə, onun iyunun 7-də Latviyaya qarşı oyunda da fərqlənmək ehtimalı var idi. Ancaq bu dəfə də hansısa səbəbdən arxa xətdə daha çox vaxt keçirdi. Halbuki hesabın açılmadığı oyunda ardıcıl hücumlara ehtiyac var idi, nəinki müdafiə olunmağa.

Emin oyun tərzinin səbəbini belə izah etdi:

Emin millidəki ilk qolunu 2018-ci idə səfərdə Latviya ilə yoldaşlıq oyununda vurub. Yəni bu işi macəranın başladığı yerdə bitirmək olardı. Emin demişkən, alınmadı. Amma daha bir şans var. Milli sabah "Liv Bona Dea Arena"da Macarıstanı qəbul edəcək. Bu matçda fərqlənmək lazımdı.

İndi başa görə narahat olmaqdansa, "baş işlətmək" lazımdı. Həmişə sağ ayaqla qol vurası deyilsən ki...

KƏNAN BAHADIR