“Yaxud da “Palmali” səhifəsini bağlayıb, tam yeni bir səhifə açmaq lazımdı”
Cənub bölgəsinin peşəkar liqalardakı yeganə təmsilçisi “Lerik” 2-ci liqanın pley-off oyununda “Şirvan”a məğlub olmaqla (2:3) Region Liqasına yuvarlandı.
Beləliklə, “Lerik”in də sıradan çıxması ilə ölkənin cənubu peşəkar səviyyədə son klubunu itirmiş oldu. Halbuki birvaxtlar bu bölgə “Xəzər Lənkəran”, “Vilaş”, “Ümid” kimi iddialı komandalarla tanınırdı. İndi cənubda heç nə yoxdu.
Maraqlıdı, bütün regionlarda futbol inkişaf etdiyi halda, niyə cənub səssizliyə qərq olub? “Xəzər Lənkəran”ın dönüşü niyə mümkün olmadı?
Bu sualları klubun sabiq mətbuat katibi Hüseyn Cəbrayıloğluya ünvanladıq:
“Lənkəran futbolunun Region Liqasında təmsil olunması özü-özlüyündə biabırçı durumdu. Federasiya fikirləşməlidi ki, niyə bu gün Lənkəranda futbol yoxdu? Lənkəranda futbol yoxdusa, deməli, ətrafdakı 6 rayonda da yoxdu. “Xəzər Lənkəran”ın dönüşü AFFA ilə “Palmali” arasında aparılacaq hansısa danışıqlardan sonra baş tuta bilər. Yaxud da “Palmali” səhifəsini bağlayıb, tam yeni bir səhifə açmaq lazımdı. Bunu düşünməli olan da federasiyadı. Lənkəranda futbolun yenidən yaranması və inkişafını AFFA özü istəməlidi. Amma görünən odu ki, AFFA-nın belə istəyi yoxdu”.
ƏSƏD SEYİDOV
Digər xəbərlər
