"Biz ötən mövsüm Region Liqasında maksimum yaxşı çıxış etməyə çalışdıq. Stadionumuzu da lənkəranlı azarkeşlər doldururdu. Lənkəranın futbol məkanında yenidən böyük coşqu yarada bildik. Amma buna rəğmən, bizə qarşı haqsızlıqlar çox oldu. Əvvəlcə hakimlər dəfələrlə oyunlarda qərəzli qərarlar verməklə bizi uduzdurdular. Referilərin yalnış qərarları ilə bağlı dəfələrlə şikayət etsək də, baxılmadı. Ondan sonra yüksək liqalarda çıxış etmək üçün müraciət etdik. Bunun üçün tələb olunan minimum şərtlərin hamısına da cavab verirdik. Amma bizə heç 2-ci liqada belə çıxış etməyə icazə vermədilər. Bunun səbəbini də göstərmədilər. Bütün bunlar bizə xoş olmadı. Ona görə də bu mövsüm Region Liqasınsa oynamamaq qərarına gəldik. Yeni yaradılan "Lənkəran"ın bizə heç bir aidiyyatı yoxdu. Amma buna etiraz da etmirik. Əksinə, xoşdu ki, Lənkəran futbolsuz qalmayacaq. Onlara uğurlar arzulayıram. Nə qədər çox komanda olsa, bir o qədər futbolumuz inkişaf edər".