Ukraynada ötən tur mükafatçıların adına aydınlıq gəldiyindən son tur bu mənada formal xarakter daşıdı.

"Football-plus.az" xəbər verir ki, ilk üç komanda sözləşibmiş kimi heç-heçə etdi. “Kolos”u qəbul edən “Dinamo” hesabı açandan sonra dayandı.

2-ci hissə başlayan kimi qonaqlar bərabərlik qolunu vurdu. Bundan sonra oyunu bitirmək olardı. Hesab dəyişmədi. Bu isə o deməkdi ki, “Dinamo” çempionluq mövsümünü məğlubiyyətsiz bitirdi.
“Çernomorets” – “Aleksandriya” oyununun tərəflərdən heç biri üçün önəmi yox idi. Əvvəlki turda “dənizçilər”in elitadan gedəcəyi, Ruslan Rotanın komandasının isə 2-ci yeri tutacağı dəqiqləşmişdi. Odu ki, 0:0 heç kimi təəccübləndirmədi. “Çernomorets” tarixində 5-ci dəfə elitanı tərk etdi, ilk dəfə mövsümü sonuncu pillədə bitirdi. Emil Mustafayev 63-cü dəqiqədə meydana çıxdı və heç nə ilə yadda qalmadı.

“Rux” – “Şaxtyor” oyunu məhsuldar “sülh”lə bitdi. Marino Puşiç Donetsk klubunun “sükanı arxasında” premyer-liqada 50-ci və sonuncu oyununu keçirdi. Oyundan dərhal sonra bosniyalı mütəxəssis və məşqçu korpusu istefaya göndərildi. 2023-cü il oktyabrın 23-dən “sükan arxasında” olan Puşiçin dövründə “Şaxtyor” “qızıl dubl” edib və bu il ölkə kubokunu qazanıb.

“İnqulets”in qonağı olan “Vorskla” heç-heçə sayəsində bu komandanı 1-ci liqaya göndərdi, özü isə elitada yerini qorumaq üçün pley-off oyunları keçirəcək. “Obolon” “Levıy bereq”in qapısından bir qol keçirdi. Bu qələbə “pivəçilər”i elitada saxladı, “Levıy bereq”i pley-offa göndərdi.

“İnqulets”lə “Çernomorets” gələn mövsüm 1-ci liqada oynayacaq, “Levıy bereq” ilə “Vorskla” elitada yerini qorumaq üçün aşağı dəstədə 3-4-cü yerləru tutan komandalarla pley-off oyunları keçirəcək: “Kudrovka” – “Vorskla”, “Levıy bereq” – “Metallist-1925”. Oyunlar mayın 29-u və iyunun 1-də keçiriləcək. 1-ci liqadan elitaya “Episentr” və “Poltava” vəsiqə qazanıb.

Bazar günü “Veres” – LNZ oyunu heç-heçə bitdi. Sona 9 saniyə qalmış qapısında qol görən, Roman Qriqorçukun çalışdırdığı LNZ-nin qələbə həsrəti 9-a çatdı.

Konfrans Liqasına vəsiqənin taleyi “Polesye” – “Krivbass”, “Karpatı” – “Zarya” oyunlarında həll olundu. Jitomirdə heç-heçə qeydə alındığını nəzərə alsaq, lvovlular “Zarya”nı məğlub etməklə hədəfinə çata bilərdi. Ancaq KL-ə vəsiqə “Polesye”yə qismət oldu.

30-cu tur
Dinamo – Kolos 1:1
Pixalenok, 31 – Sidorov, 47.
Dinamo: Morqun, Belovar, Vivçarenko, Dyaçuk, Karavayev, Braqaru (Kabayev, 67), Brajko, Voloşin (Yarmolenko, 76), Pixalenok (Şaparenko, 68), Rubçinski (Buyalski, 75), Vanat.

Rux – Şaxtyor 1:1
Babukar, 57 – Eginaldo, 46.
Şaxtyor: Fesyun, Vinisius, Pedro Enrike (Oqarkov, 74), Farina, Bondarenko, Krıskiv, Nazarina, Pedrinyo (Santana, 60), Kevin (Neverton, 74), Qomes (Sukanov, 60), Eginaldo (Elias, 77).
Çernomorets – Aleksandriya 0:0

İnqulets – Vorskla 1:1
Malış, 72 – Kulaç, 34.

Obolon – Levıy bereq 1:0
Qruşa, 48.

Veres – LNZ 1:1
Smiyan, 90+3 – Makuana, 73.

Polesye – Krivbass 1:1
Batista, 50 – Tverdoxleb, 30.

Karpatı – Zarya 1:3
Baboqlo, 17 – Cordan, 25. Miçin, 58. Slesar. 73.

1. Dinamo 30 20 10 0 61-19 70
2. Aleksandriya 30 20 7 3 46-22 67
3. Şaxtyor 30 18 8 4 69-26 62
4. Polesye 30 12 12 6 38-28 48
5. Krivbass 30 13 8 9 34-26 47
6. Karpatı 30 13 7 10 42-36 46
7. Zarya 30 12 4 14 34-39 40
8. Rux 30 9 11 10 30-27 38
9. Veres 30 9 9 12 33-44 36
10. Kolos 30 8 12 10 27-25 36
11. Obolon 30 8 8 14 19-43 32
12. LNZ 30 7 10 13 25-37 31
13. Vorskla 30 6 9 15 24-38 27
14. Levıy bereq 30 7 5 18 18-39 26
15. İnqulets 30 5 9 16 21-47 24
16. Çernomorets 30 6 5 19 20-45 23

Bombardirlər: Vanat (Dinamo) – 17, Tverdoxleb (Krivbass) - 14, Sudakov (Şaxtyor) - 13, Bondarenko (Şaxtyor) – 12.