Turun mərkəzi oyununda “Polesye” “Şaxtyor”u qəbul etdi. Son 8 oyunda qələbə qazana bilməyən jitomirlilər bu seriyanı favoritlə oyunda qırdı. ÇL oyunlarına görə yollarda qalan “şaxtaçılar” zəif təsir bağışladı və bunun da məntiqi nəticəsi kimi uduzdu. Çox güman, klub rəhbərliyi yaxın günlərdə baş məşqçi Marino Puşiçə “qapını göstərəcək”. Emil Mustafayev komandasının qələbəsini ehtiyat oyunçular skamyasından izlədi.

Turun qalan oyunlarına gəlincə, “Vorskla” debütant “Levıy bereq”ə uduzdu. Ötən tur “Dinamo” önündə darmadağın olan “Aleksandriya” LNZ ilə oyunda da xal itirdi. “Karpatı”nı məğlub edən “Krivbass” ardıcıl 4-cü qələbəsini qazandı. Krivoy-Roq klubu yalnız 1999/2000 mövsümündə bundan da uzun qələbə seriyası (6) müəyyənləşdirib. “Çernomorets”də isə məğlubiyyət seriyası 6-ya çatdı. Odessalılar bu dəfə “Zarya” önündə “ağ bayraq qaldırdı”. Gözlənilmədən səfərdə “Rux”u məğlub edən “Obolon” bu komandanın 4 oyunluq məğlubiyyətsiz seriyasına son qoymaqla yanaşı, “Çernomorets”i arxada qoyaraq 14-cü pilləyə yüksəldi. “Kolos”a uduzan “İnqulets” qış fasiləsinə ümidsiz autsayder kimi yollandı. Dünən keçirilən yeganə oyunda “Veres”i məğlub edən “Dinamo” ili ən yaxın izləyicisindən 5 xal öndə bitirdi.

17-ci tur
Polesye – Şaxtyor 1:0
Mixayliçenko, 90+1.
Şaxtyor: Riznık, Bondar, Konoplya, Matviyenko, Pedro Enrike, Bondarenko, Krıskiv (Qomes, 80), Sudakov, Kevin, Zibkov (Pedrinyo, 52), Traore (Sikan, 80).
Dinamo – Veres 1:0
Vanat, 23.
Dinamo: Buşan, Dyaçuk, Popov, Tımçik (Karavayev, 75), Vivçarenko, Voloşin, Buyalski (Rubçinski, 75), Pixalenok (Andriyevski, 83), Mixaylenko, Vanat, Kabayev.
Vorskla – Levıy bereq 0:1
Sidnney, 62.
Aleksandriya – LNZ 1:1
Filippov, 45 – Yaşari, 65.
Krivbass – Karpatı 2:0
İliç, 27-p. Tverdoxleb, 69.
Zarya – Çernomorets 2:1
Miçin, 9. Başiç, 90+2 – Yanakov, 81.
İnqulets – Kolos 0:2
Bolivar, 5. Orexovski, 57.
Rux – Obolon 1:3
Didık, 70 - Bıçek, 9. Taranuxa, 65. Blizniçenko, 72

1. Dinamo 17 13 4 0 37-11 43
2. Aleksandriya 17 11 5 1 26-12 38
3. Şaxtyor 16 10 3 3 41-15 33
4. Krivbass 16 9 4 3 22-13 31
5. Polesye 17 7 6 4 24-16 27
6. Karpatı 17 7 3 7 22-21 24
7. Rux 17 5 8 4 21-14 23
8. Zarya 16 7 1 8 18-20 22
9. Veres 17 4 7 6 17-24 19
10. LNZ 17 5 4 8 18-26 19
11. Kolos 17 3 9 5 11-12 18
12. Vorskla 17 4 4 9 15-25 16
13. Levıy bereq 17 4 4 9 9-20 16
14. Obolon 17 3 5 9 10-29 14
15. Çernomorets 17 3 3 11 11-25 12
16. İnqulets 16 1 6 9 12-31 9

Bombardirlər: Vanat (Dinamo) – 10, Qutsulyak (Polesye) - 9.

Növbəti turun oyunları gələn il fevralın 22-də keçiriləcək: Şaxtyor – Levıy bereq, İnqulets – Polesye, Aleksandriya – Zarya, Rux – LNZ, Dinamo – Karpatı, Krivbass – Veres, Obolon – Vorskla, Kolos – Çernomorets.