Ukraynada 13-cü tur liderlərin növbəti qələbələri ilə əlamətdar oldu.

Turun mərkəzi oyununda “Dinamo” Emil Mustafayevin şərəfini qoruduğu “Polesye”ni qəbul etdi. İlk yarımsaatda iki qol vuran kiyevlilər 45-ci dəqiqədə Mixayliçenkonun meydandan qovulması üzündən say üstünlüyü də qazandı. 78-ci dəqiqədə meydana çıxan Emil komandasının hücumunu bir qədər də gücləndirdi. Azlıqda oynayan “Polesye” hətta 86-cı dəqiqədə qollardan birinin əvəzini çıxdı. “Dinamo” çempionatda məğlubiyyətsiz oyunlar seriyasını 12-yə çatdırsa da, kiyevlilərin ardıcıl 9-cu oyunda qapısını toxunulmaz saxlaya bilmədiyini də unutmayaq.

“Zarya”nı qəbul edən “Şaxtyor” inamlı qələbə sayəsində 3-cü pillədə möhkəmləndi. Luqansklılar “çərçivə”yə cəmi iki zərbə vurdu ki, onun da biri qol oldu.

“Dinamo” – “Polesye” oyunu olmasaydı, “Aleksandriya” ilə “Karpatı”nın dueli turun mərkəzi qarşılaşması sayılacaqdı. Ruslan Rotanın çalışdırdığı komanda qələbə təqdirində ən azı birgünlüyə turnir cədvəlinə başçılıq edəcəkdi. Belə də oldu. “Aleksandriya” Kampuşun het-triki sayəsində inamlı qələbə qazandı. Bu komanda artıq 17 oyundu məğlubiyyət tanımır.

Turun qalan oyunlarına gəlincə, “Vorskla” və “Obolon” səfərdə qələbə qazandı. “Levıy bereq” – “İnqulets”, “Kolos” – “Krivbass” oyunları heç-heçə bitdi. “Rux”u 2:0 hesabıyla məğlub edən “Veres” turnir cədvəlində bu komandaya çatdı, hətta əlavə göstəricilərə görə özündən arxada qoydu.

13-cü tur
Dinamo – Polesye 2:1
Vanat, 22. Yarmolenko, 27-p. – Qutsulyak, 86.
Dinamo: Buşan, Dubinçak, Dyaçuk, Popov, Tımçik (Karavayev, 88), Brajko, Buyalski, Yarmolenko (Mixavko, 88), Vanat (Voloşin, 65), Kabayev (Gerrero, 65), Şaparenko (Rubçinski, 65).
Şaxtyor – Zarya 3:1
Bondarenko, 52-p. Kevin, 54. Cordan, 90+3-öz qapısına – Yatsık, 37.
Şaxtyor: Riznık, Azarov (Pedro Enrike, 31), Bondar, Vinisius, Matviyenko, Bondarenko (Krıskiv, 71), Pedrinyo (Zubkov, 71), Sudakov, Kevin (Eginaldo, 82), Qomes, Sikan (Traore, 82).
Aleksandriya – Karpatı 3:0
Kampuş, 36; 54-p.; 87-p.
Çernomorets – Vorskla 0:1
Ndukve, 79.
LNZ – Obolon 0:1
Slobodyan, 52.
Levıy bereq – İnqulets 0:0
Kolos – Krivbass 1:1
Bolivar, 64 – Tverdoxleb, 46.
Veres – Rux 2:0
Daxnovski, 6. Luan, 22.

1. Dinamo 12 10 2 0 29-9 32
2. Aleksandriya 12 10 2 0 21-7 32
3. Şaxtyor 12 8 2 2 31-12 26
4. Polesye 12 6 4 2 20-10 22
5. Krivbass 12 5 4 3 13-11 19
6. LNZ 13 5 3 5 15-18 18
7. Karpatı 13 5 3 5 15-17 18
8. Veres 13 3 6 4 14-16 15
9. Rux 12 3 6 3 16-9 15
10. Zarya 13 5 0 8 13-17 15
11. Kolos 13 2 7 4 8-10 13
12. Vorskla 13 3 4 6 12-18 13
13. Çernomorets 13 3 3 7 8-14 12
14. Levıy bereq 13 2 3 8 4-17 9
15. Obolon 13 2 3 8 6-26 9
16. İnqulets 13 0 6 7 9-23 6

Bombardirlər: Nazarenko, Qutsulyak (hər ikisi “Polesye”), Sudakov, Bondarenko (hər ikisi “Şaxtyor”) – 7.

Növbəti turun oyunları noyabrın 22-25-i aralığında keçiriləcək: Karpatı – Kolos, Veres – Aleksandriya, İnqulets – Şaxtyor, Rux – Levıy bereq, Polesye – Zarya, Dinamo – Çernomorets, Obolon – Krvbass, Vorskla – LNZ.