''İmza kampaniyası çox yaxşı şəkildə davam edir. İmza sayı yetərli səviyyələrə çatmaq üzrədi. Təxminən 1 həftə ərzində tamamlanacağını düşünürəm. İyunun əvvəllərində nəticələrini rəsmən idarə heyətinə təqdim edəcəyik. Söz verirəm ki, prezident seçilsəm və ilk mövsümdə ''Fənərbaxça''nı çempion etməsəm, istefa verəcəm! Əziz Yıldırım namizəd olsa, mən namizədliyimi geri çəkərəmmi? Hər kəslə hər şeyi müzakirə etmək mümkündü. Yetər ki, atılacaq addım klubun mənfəəti üçün olsun. İnsanlar artıq məsələnin ciddiliyinin və necə çətin durumda olmağımızın fərqinə varmalıdı. Əks təqdirdə bu camiə uçuruma yuvarlanacaq. Təbii ki, prezident seçilsəm, Mourinyo ilə vidalaşacam. Elə indiki rəhbərliyin də Mourinyo ilə yola davam edəcəyini düşünmürəm. Mourinyo artıq Avropada heç kimə lazım deyil. Uzaqbaşı Türkiyədən sonra Yaxın Şərq ölkələrindən birinə yollanacaq. Ayrılarkən də mümkün olduğu qədər burdan bəzi şeylər qoparmağa çalışır. Mən hər zaman alman məktəbinin tərəfdarı olmuşam. Almanlar çalışqan və intizamlı olur. ''Fənərbaxça''ya da almaniyalı məşqçi gətirmək arzusundayam. Təsadüfi deyil ki, son 20 ildə ''Fənər''in ən yaxşı və uğurlu məşqçisi Kristof Daumdu. Mən hucumameyili və məhsuldar oyun aşılayan bir məşqçi istəyirəm''.