Finalçılardan heç birinin heyətlə bağlı ciddi itkisi yoxdu. Yəni həm “Qarabağ”, həm də “Sabah” oyuna optimal heyətlə hazırlaşır, zədə və ya cəza səbəbindən hansısa önəmli fiqurun xidmətindən məhrum deyillər.

Bununla belə, cəzalılar sırasında bir ad var. Söhbət Berezutskinin qapıçılar üzrə köməkçisi Aleksey Antonyukdan gedir.

O, finalda texniki zonada yer ala bilməyəcək. 41 yaşlı rusiyalı mütəxəssis ölkə kubokunun yarımfinal mərhələsi çərçivəsində “Neftçi” ilə keçirilən ilk oyunun sonlarında hakimləri təhqir etdiyinə görə qarşısında qırmızı vərəqə görmüşdü. AFFA İntizam Komitəsi Antonyuku üçü şərti olmaqla 5 oyun cəzalandırmış, kluba 4000 manat cərimə kəsmişdi.