Bu gün AFFA İntizam Komitəsinin növbəti iclası keçirlib.

"Football-plus.az" xəbər verir ki, toplantıda qurum Azərbaycan kubokunun yarımfinalının cavab görüşləri və premyer-liqanın 25-ci turu ilə bağlı aşağıdakı qərarları verib:

29.04.2022-ci il tarixində Azərbaycan Kubokunun 1/2 final mərhələsinin “Qarabağ” – “Qəbələ” oyununda “Qarabağ” klubunun azarkeşləri pirotexnikadan istifadə etdiyi üçün klub 800 manat cərimə olunur (maddə 51.2).

29.04.2022-ci il tarixində Azərbaycan Kubokunun 1/2 final mərhələsinin “Qarabağ” – “Qəbələ” oyununda “Qarabağ” klubunun azarkeşləri tərəfindən kütləvi şəkildə təhqiramiz ifadələr işlədildiyi üçün klub 4000 manat cərimə olunur (maddə 41.6).

29.04.2022-ci il tarixində Azərbaycan Kubokunun 1/2 final mərhələsinin “Neftçi” – “Zirə” oyununda matç gec başlandığı üçün meydan sahibi klub 3200 manat cərimə olunur (maddə 59.4).

03.05.2022-ci il tarixində Premyer Liqanın XXV turunun “Qarabağ” – “Sabah” oyununda “Qarabağ” klubunun azarkeşləri pirotexnikadan istifadə etdiyi üçün klub 800 manat cərimə olunur (maddə 51.2).

03.05.2022-ci il tarixində Premyer Liqanın XXV turunun “Qarabağ” – “Sabah” oyununda “Qarabağ” klubunun azarkeşləri “Sabah” klubunun rəsmisi Dadaş Zeynalova fiziki təsir göstərdiyi üçün meydan sahibi klub 4000 manat cərimə olunur (maddə 49.1)

03.05.2022-ci il tarixində Premyer Liqanın XXV turunun “Qarabağ” – “Sabah” oyununda “Qarabağ” klubunun 6 nömrəli futbolçusu Patrik Andrade qeyri-idman hərəkətinə görə ikinci sarı vərəqə ilə meydandan kənarlaşdırıldığı üçün 1 oyun cəzalanır klub 200 manat cərimə olunur (maddə 47.1).

04.05.2022-ci il tarixində Premyer Liqanın XXV turunun “Zirə” – “Qəbələ” oyununda “Qəbələ” klubunun 4 futbolçusu sarı vərəqə ilə cəzalandırıldığı üçün klub 800 manat cərimə olunur (maddə 39).

04.05.2022-ci il tarixində Premyer Liqanın XXV turunun “Sumqayıt” – “Neftçi” oyununda matçın 19-cu dəqiqəsində “Sumqayıt” klubunun 5 nömrəli futbolçusu Camaləddin Xocaniyazov kobud oyuna görə birbaşa qırmızı vərəqə ilə meydandan kənarlaşdırıldığı üçün 1 oyun şərti olmaqla 2 oyun cəzalanır klub 1600 manat cərimə olunur. Sınaq müddəti 3 ay təyin edilir (maddə 36.1).

04.05.2022-ci il tarixində Premyer Liqanın XXV turunun “Sumqayıt” – “Neftçi” oyununda “Neftçi” klubunun 5 futbolçusu sarı vərəqə ilə cəzalandırıldığı üçün klub 800 manat cərimə olunur (maddə 39).