“Sevincliyik, hazırda iş başındayıq” – Tovuzda bu nə şadyanalıqdı?
Bu gün ölkə kubokunun finalında “Qarabağ”la “Sabah” üz-üzə gələcək.
Bildiyiniz kimi, bu oyun adı çəkilən komandalarla yanaşı, “Turan Tovuz” üçün də böyük əhəmiyyət daşıyır. “Qarabağ” kubokun qalibi olarsa, tovuzlular 4-cü yerin sahibi kimi Konfrans Liqasına gedəcək. “Sabah” qalib olarsa, Avropa Liqasına yollanacaq və “Turan Tovuz” avrokuboklardan kənarda qalacaq.
“Ultras Turan” azarkeş qrupunun rəhbəri Kamal Saqqayev saytımıza açıqlamasında rayonda böyük monitorun quraşdırılacağını və oyunu birlikdə izləyəcəklərini söyləmişdi. Eyni zamanda, “Qarabağ” qalib gələrsə, konsert, atəşfəşanlıq, yürüş olacaq.
Azarkeşlər harada yığışacaq? Təxminən nə qədər adam olacaq? Klub oyuna kollektiv baxış üçün hansı şəraiti yaradıb? Bu sualları Kamal bəyə ünvanladıq:
“Hər bir şərait yaradılıb. Allah Ehtiram Quliyevi var eləsin. Hələ 4-5 məkanımız var ki, onları da bəzəyəcəyik. İnşallah, “Qarabağ” qalib gələcək, “Turan Tovuz” isə avrokuboklara vəsiqə qazanacaq. Sevincliyik, hazırda iş başındayıq”.
ƏSƏD SEYİDOV
Digər xəbərlər
