“Sonda “Turan Tovuz” istədiyi yerə nail olacaq”
Misli premyer-liqasının 6-ci turunun son matçında “Sabah”la “Turan Tovuz” üz-üzə gəldi.
Dörd qolluq görüşdən tərəflər hərəyə bir xalla ayrıldı.
“Ultras Turan” azarkeş qrupunun rəhbəri Kamal Saqqayev oyunla bağlı “Football-plus.az”a açıqlama verdi:
“Oyuna çox ciddi hazırlaşmışdıq. Həmişə olduğu kimi, komandamızın yanındayıq. Rəhbərliyimizə inanırıq və baş məşqçimizə ümidimiz böyükdü. Sonda “Turan Tovuz” istədiyi yerə nail olacaq. Çox xahiş eləyərdik ki, hakim səhvləri ilə bağlı bir ölçü götürülsün. Bu qədər çəkilən əziyyəti yerə vurmaq olmaz. Hünərimiz var tarix yazmağa”.
ƏSƏD SEYİDOV
