Tovuzlu azarkeşlər Sumqayıta getmək qərarından çəkildi
Ölkə kubokunun finalında “Qarabağ”la “Sabah” üz-üzə gələcək.
Bu oyun adı çəkilən komandalarla yanaşı, “Turan Tovuz” üçün də böyük əhəmiyyət daşıyır. “Qarabağ” kubokun qalibi olarsa, tovuzlular 4-cü yerin sahibi kimi Konfrans Liqasına gedəcək. “Sabah” qalib olarsa, Avropa Liqasına yollanacaq və “Turan Tovuz” avrokuboklardan kənarda qalacaq.
“Ultras Turan” azarkeş qrupunun rəhbəri Kamal Saqqayev ötən həftə saytımıza açıqlamasında qərb derbisindən sonra Sumqayıtda “Qarabağ”a azarkeşlik etməklə bağlı fikirlərini dəqiqləşdirəcəyini söyləmişdi. Nə oldu? Fanklub şəklində stadionda olacaqsızmı? Bu sualları Kamal bəyə ünvanladıq:
“Qarabağ” finalın qalibi olsa, lap əla olar və bayram bayrama qarışar. Rayonumuzda böyük təntənə ilə qeyd etməyi düşünürük. Konsert atəşfəşanlıq, yürüş, hər şey olacaq. Bunu sözlə ifadə etmək çətindi, sosial şəbəkələrdə görəcəksiz. Bakıda olan azarkeşlər oyuna tək-tək gedəcəklər. Fanklub şəklində kollektiv səfər olmayacaq. Bu, qəti qərarımızdı. Rayonda isə böyük monitor quraşdırılacaq və oyunu birlikdə izləyəcəyik. Rəhbərlik bunun üçün bütün şəraiti yaradıb”.
ƏSƏD SEYİDOV
Digər xəbərlər
