Tovuzdan Bakıya 500 azarkeş gəlib – “Qarabağ”a xəbərdarlıq
“Qarabağ” bu gün 20-ci tur çərçivəsində “Turan Tovuz”u qəbul edəcək. “Köhlən atlar” cari mövsümdə Kurban Berdıyevin rəhbərlik etdiyi komandanı məğlub edə bilməyib.
Maraqlıdı, “Qarabağ”la səfər oyununda “Turan Tovuz”un azarkeş ordusu olacaqmı? Tovuzdan neçə avtobus gələcək? Ümumiyyətlə, tribunalarda nə qədər tovuzlunun olacağı gözlənilir? Bu sualları “Ultras Turan”ın rəhbəri Kamal Saqqayevə ünvanladıq:
“Həmişə olduğu kimi, yenə də komandamızın yanındayıq. Bəli, azarkeş ordusu olacaq. Rəhbərlik gedib-gəlməyimiz üçün hər cür şərait yaradıb. Biz komandamızı qələbəyə görə sevmədik ki, məğlubiyyətdə də tək qoyaq. “Turan Tovuz” bizim ürəyimizdi. Hələ ki 500 nəfərik”.
ƏSƏD SEYİDOV
