“Bu iki klubun heç birindən təklif almamışam” – Kamal Bayramov yol ayrıcında
"Şamaxı"nın kapitanı Kamal Bayramovun peşəkar futbolçu karyerasını başa vurduğunu xəbər vermişdik.
Misli premyer-liqasının 36-cı turunun “Qarabağ”la matçından öncə klubun idarə heyətinin sədri Elçin Usub 40 yaşlı qapıçıya xatirə hədiyyəsi təqdim etdi.
Bundan sonra nə işlə məşğul olacaqsız? “Turan Tovuz”da, yoxsa “Şamaxı”da işləmək istəyirsiz? Təkliflər varmı?
Bu sualları Kamal bəyə ünvanladıq:
“Məşqçi kimi karyeramı davam etdirəcəm. Hazırda təklif gəlməyib. Bu iki klubun heç birindən təklif almamışam. Təklif olmadığı halda, orda işləməkdən danışmaq da məntiqsizdi”.
ƏSƏD SEYİDOV
