Zaur Axundovun “Şamaxı”dan gedişindən sonra klubun strukturunda çalışan, onun çevrəsinə yaxın hesab olunan əksər funksionerlər də Müşahidə Şurasının sədri kimi bölgə təmsilçisindən ayrıldı.

Onlardan biri də klubun baş meneceri Eldəniz Yusubovdu. Təcrübəli funksioner “Şamaxı” ilə yanaşı, uzun illər AZAL, “Neftçi” kimi klublarda iş təcrübəsinə malikdi. Bəlkə də bu səbəbdən Zaur bəy təcrübəli kadrı itirmək istəmir.

Etibarlı mənbədən “Football-plus.az” saytına daxil olan məlumata görə, Futzal Federasiyasının prezidenti Eldəniz bəyə rəhbərlik etdiyi federasiyada çalışmağı təklif edib. Söylənilənlərə aydınlıq gətirmək üçün “Şamaxı”nın sabiq baş meneceri ilə əlaqə saxladıq. Yusubov deyilənləri nə təsdiq, nə də təkzib etdi:

“Hazırda istirahətdəyəm. Qarşıdakı günlərdə nəsə olsa, bu haqda danışa bilərik”.

RƏŞAD