Mayın 31-də ölkə kubokunun finalı çərçivəsində “Qarabağ” - “Sabah” matçı keçiriləcək.

“Football-plus.az” xəbər verir ki, “Qarabağ”ın baş məşqçisi Qurban Qurbanov oyunöncəsi mətbuat konfransında jurnalistlərin suallarını cavablayıb.

- Federasiyaya təşəkkür edirəm. Çox işlər görüldü. İşlərin görünməyən tərəfləri var. Narahatlığınız, maraqlanmağınız sizin nə qədər məsuliyyətli olmağınızdan xəbər verir. Matça gəlincə, final oyunlarında bütün azarkeşlər bir yerə yığılır. Bayram kimidi. Hər komandanın öz azarkeşi var. Amma stadionda neytral tərəfdarlar da olacaq. Onlar yaxşı futbola baxmaq istəyəcək. Biz də çalışacağıq ki, yaxşı oyun göstərək. Həmişə demişəm ki, kubok oyunu əsl prestijdi. İstərdik ki, kuboku da qazanaq. Qarşımızda fərqli komanda var. Son vaxtlar iddialı görünürlər. Gələcək üçün böyük işlər görürlər. Beşinci yerdə olsalar da, o yerə layiq deyillər. Vasili Berezutski də deyib ki, kuboka kökləniblər. Möhkəm kollektivdilər. Belə komandalara qarşı oynamaq bizim üçün xoşdu. Hər iki komandaya uğurlar arzu edirəm.

- Üç dəfə Berezutski ilə üz-üzə gəlmisiz, heç birində qələbə qazana bilməmisiz...
- Bizə qarşı çox diqqətlə müdafiə olurlar. Bu gün liderik. Liderə qarşı istənilən komanda daha istəkli olur. Biz də bunu keçmişik. Bu gün də Avropada böyük klublara qarşı oynayanda motivasiyamız daha yüksək olur. “Sabah” beşinci yerə layiq deyil. Bizdən elə də fərqi olmayan komandadı.

- Mehdi Hüseynzadə adına Sumqayıt şəhər stadionu haqda fikirləriniz?
- Çox müsbət. Biz orda oynayanda yeddi-səkkiz min azarkeş olub. Futbolçularım üçün uğurlu stadiondu.

Bəhlul Mustafazadə də oyunla bağlı fikirlərini bildirib: