Müqavilə ilə ''Qalatasaray''a məxsus olan və karyerasını vətəni İtaliyada davam etdirən Nikolo Zaniolo futboldankənar mövzularla gündəmə gəlməkdə davam edir.

İstedadlı futbolçu hələ ki, heç cür tam potensialını aça bilmir. Məlum olduğu kimi bu futbolçunun ulduzu ''Roma''da parlamışdı. Ancaq o, 2022/23-ün qış fasiləsində qalmaqallı şəkildə ''Roma''dan ayrılaraq İstanbul nəhənginə transfer olundu. Türkiyədə keçirdiyi yarım mövsümün ardından 25 yaşlı futbolçu hələ ki, icarələrdə ''çürüyür''.

Ötən mövsümü ''Aston Villa''da, bu mövsümün ilk dövrəsini ''Atalanta''da keçirən Zaniolo hazırda ''Fiorentina''nın şərəfini qoruyur. Onun sabiq klubu ''Roma''ya qarşı isə görünür, kin hissi heç cür azalmır. Onun bu kluba qarşı hərəkətləri belə düşünməyə əsas verir. Mayın 4-də bu futbolçu A seriyası çərçivəsində səfərdə ''Roma''ya qarşı oyunda çılğın hərəkətləri ilə diqqət çəkmiş və son anlarda qırmızı vərəqə almışdı. Bu dəfə isə Zaniolo ''Roma''nın gənclərinə yumşaq desək, ilişib.

İtaliyanın 20 yaşlılar arasında turnirinin yarımfinalında ''Fiorentina'' ilə ''Roma'' qarşılaşdı. Florensiyalılar 2:1 üstün olaraq finala yüksəldilər. Zaniolo da oyunu tribunadan izləyənlər arasında idi. ''Roma''nın yaydığı rəsmi bəyanatda Zaniolonun matçın ardından bu klubun paltardəyişmə otağına daxil olduğu, gənc oyunçuları təxribata çəkməyə çalışdığı, eləcə də iki futbolçuya qarşı fiziki güc tətbiq etdiyi qeyd olunub! Düzdü, futbolçu özü bunu təkzib edib. Zaniolo açıqlamasında bunları deyib: