Acun Ilıcalı özü özü ilə məzələndi
Sahibi olduğu çempionşip təmsilçisi ''Hall Siti'' üçün məşqçi axtarışlarını davam etdirən Acun Ilıcalı ''Hull Live'' saytına transfer mövzusunda açıqlamalar verib.
O, müqavilə ilə ''Hall Siti''yə məxsus olan, amma mövsümün ikinci dövrəsini icarə əsasında ''Çaykur Rizəspor''da keçirən türkiyəli vinger Abdülkadir Ömürun gələcək taleyi haqda bunları deyib:
''Böyük ehtimalla Abdülkadir klubumuza geri dönəcək. Ancaq gələcəyi ilə bağlı qərarı o özü verəcək. Ömür böyük istedada malikdi və klubumuzda keçirdiyi ilk mövsümdə bunu hər kəs gördü. İkinci mövsümdə zədələr ona mane oldu. Baş məşqçi onun ən güclü zamanını görə bilmədi. Artıq daha güclü enerji ilə klubumuza fayda verəcəyini düşünürəm''.
Acun ''Fənərbaxça''dan icarəyə götürdükləri Linkoln Enrikenin gələcəyi haqda danışarkən isə belə desək, özü özü ilə məzələnib. O, Linkolnun gələcəyini ''Fənər''in vitse-prezidenti ilə müzakirə etməli olduğunu deyib. Halbuki ''Fənər''in vitse-prezidenti Acun elə özüdü:
''Linkoln Enrikeni cox bəyənirəm. Amma təbii ki, ilk növbədə klubu ilə danışmalıyıq. Çünki müqavilə ilə bizim oyunçumuz deyil. Onun transferi ilə bağlı ''Fənərbaxça''nın vitse-prezidenti ilə danışmalıyam. Razılıq versə, o zaman Linkoln karyerasını bizim klubda davam etdirə bilər''.
Digər xəbərlər
