Premyer-liqada sonuncudan əvvəlki tur ölkə kubokunun finalına görə yarımçıq oldu.

Bununla belə, yenə maraqlı nəticələr və məqamlar var Turun əsas özəlliyi “Arsenal”ın 2-ci yer uğrunda mübarizədə “Nyukasl”ı sıradan çıxarmasıdı. Çempionlar Liqasına qalan vəsiqələr uğrunda isə amansız mübarizə davam edir. 3-5-ci yerləri bölüşən “Nyukasl”, “Çelsi” və “Aston Villa”nın hərəyə 66, 6-7-ci yerlərdəki “Mançester Siti” ilə “Nottingem Forest”in 65 xalı var.

2-ci yer uğrunda prinsipial oyun “Arsenal”ın qələbəsi ilə bitdi. “Topçular”ı arxada qoymaq baxımından gözəl imkanı əldən verən “Nyukasl” indi hətta ilk “5-liy”ə düşməyi də təhlükə altına atdı. İlk yarıda “sağsağanlar” meydan sahibləri ilə müqayisədə maraqlı oyun göstərdi. “Nyukasl” daha kəskin hücumlar qurdu, daha çox zərbə vurdu və irəlidə inamlı göründü, sadəcə, qol vəziyyətlərini boşa verdi, eləcə də Rayya qapıda möhtəşəm təsir bağışladı.

“Arsenal” 2-ci hissədə oyunu yenidən qurdu, topa daha yaxşı nəzarət etməklə rəqibi sıxdı. Belədə Raysın 55-ci dəqiqədə vurduğu qol təəccüb doğurmadı. “Nyukasl” bundan sonra fəallaşmağa, oyunun axarını dəyişməyə çalışsa da, alınmadı.
ÇL-ə can atan “Aston Villa” heç bir turnir hədəfi qalmayan “Tottenhem”i qəbul etdi. Meydan sahibləri daha çox hücum edir və qapıya zərbə vururdular. Uotkinsin zərbəsinin öhdəsindən Kinski gəldi, Makqinn topu qapının üstündən vurdu. “Mahmızlar” bundan sonra silkələndi və Son Hın Minlə Odoberin sayəsində yaxşı imkanlar əldə etdi.

Qarşılıqlı hücumlar şəraitində keçən ilk yarıda hesab açılmadı. 2-ci hissədə daha fəal başlayan birmingemlilər tezliklə fərqləndi. 59-cu dəqiqədə Makqinn – Uotkins – Konsa kombinasiyasını sonuncu qolla bitirdi. Əsəbi sonluğun olmaması üçün “Aston Villa”ya 2-ci qol da lazım idi. Onu isə 73-cü dəqiqədə Kamara vurdu. Taleyi ilə barışan “Tottenhem”in gücünü avrokubokun finalı üçün qoruduğu açıq-aşkar görünürdü.

Bir qədər əvvəl başa çatan oyunda “Aston Villa”nın “Tottenhem”i məğlub etməsindən xəbərdar olan “Çelsi”nin birmingemlilərdən öndə qərarlaşmaq üçün MY-yə qalib gəlməkdən başqa yolu yox idi. “Zadəganlar” bunu bacardılar. MY ilə oyun çətin alındı, hərçənd qonaqlara heç nə lazım deyildi. Çoxdan aydındı ki, mankunianlar yalnız Avropa Liqasını qazanmaqla mövsümü xilas edə bilər.

Debütdə Madueke mankunianları cəzalandırmağa yaxın oldu. MY buna Maquayrın ofsayd üzündən sayılmayan qolu ilə cavab verdi. Hissənin ortalarında Ceyms “dirəyin möhkəmliyini yoxladı”, fasilə ərəfəsində isə Onana Palmerin təhlükəli zərbəsini dəf etdi. 2-ci hissədə oyunun axarı dəyişmədi. Daha çox və kəskin hücumlar quran “Çelsi” sona 20 dəqiqə qalmış hesabı açdı. Ceymsin qapıçı meydançasına göndərdiyi ötürməni Kukurelya başla tamamladı. Madueke daha bir qol şansını boşa verdi. “Çelsi” bu oyunu qələbə ilə bitirsə də, hələ ÇL-ə vəsiqəni təmin etməyib.

Turun qalan oyunlarına gəlincə, “Everton” mövsümün ən zəifi “Sauthempton” üzərində asan qələbə qazandı, “Vest Hem”i məğlub edən “Nottingem Forest” hələ də ÇL-ə vəsiqəyə iddialılar sırasındadı. “Brentford” evdə “Fulhem”ə uduzdu, “Lester” isə Vardinin vida oyununda “İpsviç”ə qalib gəldi. Turun dünən axşam keçirilən son oyununda “Liverpul” səfərdə “Brayton”a uduzdu.

37-ci tur
Arsenal – Nyukasl 1:0
Rays, 55. (60160)
Arsenal: Rayya, Uayt, Saliba (Kalafyori, 46), Kivyor, Lüis-Skelli, Edeqor (Jorjinyo, 90+3), Parti, Rays, Saka (Haverts, 76), Trossar (Tirni, 88), Martinelli.

Çelsi – Mançester Yunayted 1:0
Kukurelya, 71. (39849)
Çelsi: Sançes, Ceyms, Adariboyo, Koluill, Kukurelya, Fernandes, Kaysedo, Neto (Hüsto, 90+1), Palmer, Madueke, Corc (Lavia, 81).
MY: Onana, Lindelöf, Maquayr, Şou (Heven, 81), Mazraui, Kazemiro (Uqarte, 70), Fernandeş (Maynu, 81), Dorqu, Dyallo, Maunt (Qarnaço, 70), Heylunn.

Aston Villa – Tottenhem 2:0
Konsa, 59. Kamara, 73. (42239)
Tottenhem: Kinski, Spens, Danso, Devis, Regilon (Bentankur, 74), Qrey, Sarr (Bissuma, 53), Odober (Rişarlison, 87), Son Hın Min (Solanke, 74), Mur (Conson, 87), Tel.

Brayton – Liverpul 2:3
Ayari, 32. Mitoma, 70. Hinşelvud, 87 – Elliott, 9. Soboslai, 45+1.

Everton – Sauthempton 2:0
Ndiay, 6; 45+2. (39201)

Vest Hem – Nottingem Forest 1:2
Bouen, 86 – Gibbs-Uayt, 11. Milenkoviç, 61.

Brentford – Fulhem 2:3
Mbemo, 22. Vissa, 43 – Ximenes, 16. Kerni, 68. Uilson, 70. (17136)

Lester – İpsviç 2:0
Vardi, 28. Maketir, 69.

1. Liverpul 37 25 8 4 85-38 83
2. Arsenal 37 19 14 4 67-33 71
3. Nyukasl 37 20 6 11 68-46 66
4. Çelsi 37 19 9 9 63-43 66
5. Aston Villa 37 19 9 9 58-49 66
6. Mançester S. 36 19 8 9 67-43 65
7. Nottingem F. 37 19 8 10 58-45 65
8. Brayton 37 15 13 9 62-58 58
9. Brentford 37 16 7 14 65-56 55
10. Fulhem 37 15 9 13 54-52 54
11. Bornmut 36 14 11 11 55-43 53
12. Kristal Pelas 36 12 13 11 46-48 49
13. Everton 37 10 15 12 41-44 45
14. Vulverhempton 36 12 5 19 51-64 41
15. Vest Hem 37 10 10 17 43-61 40
16. Mançester Y. 37 10 9 18 42-54 39
17. Tottenhem 37 11 5 21 63-61 38
18. Lester 37 6 7 24 33-78 25
19. İpsviç 37 4 10 23 35-79 22
20. Sauthempton 37 2 6 29 25-84 12

Bombardirlər: Salah (Liverpul) - 28, İsak (Nyukasl) – 23, Holann (MS) – 21, Vud (Nottingem Forest) – 20, Mbemo (Brentford) – 19.

Faktlar
* Vardi “Lester”dəki vida oyununda 200 qol həddinə çatdı. Özü də bu komandanın heyətindəki 500-cu oyunda. 2012-ci ildən “Lester”in şərəfini qoruyan təcrübəli hücumçu mövsüm bitəndən sonra ayrılacaq.
* “Arsenal” ilk “3-lük”də yerini təmin etdi. 71 xala malik “topçular”a yalnız hazırda 65 xalı və ehtiyatda bir oyunu olan MS çata bilər. Yəni istənilən halda “Arsenal” 3-cü pillədən aşağı düşməyəcək. London klubu ardıcıl 3-cü mövsümdə ilk “3-lük”də olacaq. Buna qədər isə “topçular” 6 mövsüm ərzində mükafatçılar sırasına düşə bilməmidi: iki dəfə 8-ci, iki dəfə 6-cı, üç dəfə 5-ci yer.

Oyundan sonra
Mikel Arteta, “Arsenal”ın baş məşqçisi: